ފިހުރިސްތު
ފުރަތަމަ ސަފުހާ
ގެވެށި އަނިޔާ
ގެވެށި ގުޅުން
މައްސަލަ ކުރިމަތިވުމުން ހަދާނެ ގޮތް
ކުއްލި ޙާލަތް
ޤާނޫނުން ލިބޭ ޙައްޤުތައް
އަމުރަކަށް އެދޭނެގޮތް
އަވަސް އަމުރު
ރައްކާތެރިކުރުމުގެ އަމުރު
ރައްކާތެރިކުރުމުގެ އަމުރަކާއި ޚިލާފުވުން
ޞިއްޙީ ފަރުވާ ހޯދުން
ނަފްސާނީ އެހީ
ޖިނާޢީ ދަޢުވާ ކުރާ ޚާލަތް
މައްސަލަ ރިޕޯޓްކުރުން
ގެވެށި އަނިޔާ ހުއްޓުވުމުގެ ޤާނޫނު
ޚިދުމަތްތަކާއި ބެހޭ ލުއި ފޮތް
ގެވެށި އަނިޔާ އަކަށް ވާނެ ޢަމަލުތަކަކީ ކޮބާ؟
ބަހުގެ ޙަމަލާ ދިނުން
ނަފްސާނީގޮތުން އަނިޔާކުރުން
މާލީގޮތުން ދަތިކުރުން
ބިރުދެއްކުން
މުދަލަށް ގެއްލުންދިނުން
ތަނެއްގައި ބަންދުކުރުން
ފާރަލުން
ގޯނާކުރުން
ގެވެށި އަނިޔާގެ މަންޒަރު ކުޑަކުއްޖަކަށް ދެއްކުން
ޖިސްމާނީ އަދި ޖިންސީގޮތުން އަނިޔާކުރުން
އަމިއްލަ އިޚްތިޔާރުގައި އެއްތަނުން އަނެއް ތަނަށް ގޮސް ނޫޅުވޭނެ ގޮތް ހެދުން
މީހެއްގެ މުދާ އެމުދަލުގެ ވެރިފަރާތަށް ބޭނުންނުކުރެވޭ ގޮތަކަށް ގަސްތުގައި ހިފެހެއްޓުން
އަނިޔާވެރި ކައިވެންޏަކުން ދުރުވާން މަސައްކަތްކުރާ އެންހެނާގެ ރުހުމާ ދެކޮޅަށް އޭނާ މާބަނޑުކުރުވުން
ޑޮކްޓަރުގެ ލަފަޔާ ޚިލާފަށް، އަނބިމީހާގެ ޞިއްޙަތަށް ބެލުމެއްނެތި، އަނބިމީހާ މާބަނޑުކުރުން
މީހެއްގެ އިޚްތިޔާރު އޮތްނަމަ، އެމީހަކު ނުކުރާނެ ކަމެއް، އޭނާ ލައްވާ ގަދަކަމުން ނުވަތަ ބިރުދައްކައިގެން ނުވަތަ ބާރުގެ ބޭނުންކޮށްގެން ކުރުވުން
ގެވެށި ގުޅުމެއް އޮންނާނީ ކޮންބައެއްގެ މެދުގައި؟
ކައިވެނިކޮށްގެން އުޅޭ ނުވަތަ އިނދެވަރިކޮށްފައިވާ މީހުން
އެއް ގެއެއްގައި އެކުގައި ދިރިއުޅޭ މީހުން ނުވަތަ ވަރަށް ފަހަކާ ޖެހެންދެން އެކުގައި ދިރިއުޅެފައިވާ މީހުން
ކުއްޖެއްގެ މައިންބަފައިން ނުވަތަ ކުއްޖަކު ބަލާ ބޮޑުކުރުމުގެ ޒިންމާ ޙަވާލުވެފައިވާ މީހުން
ނަސަބުގެ ގޮތުން ނުވަތަ ކައިވެނީގެ ގޮތުން އާއިލީ ގުޅުން އުފެދިފައިވާ މީހުން
ދަރިން ބެލުމަށް ނުވަތަ ގޭތެރޭގެ މަސައްކަތުގައި އެހީތެރިވުމަށް އުޅޭ މީހުން
ޒާތީ ގުޅުމެއް އޮތް މީހުން
ގެވެށި އަނިޔާގެ މައްސަލައެއް ކުރިމަތިވުމުން ކުރެވޭނީ ކޮންކަމެއް؟
އަމިއްލަ ރައްކާތެރިކަމަށް ގެއްލުން ލިބޭ ފަދަ ކުއްލި ޙާލަތެއް މެދުވެރިވެއްޖެނަމަ ފުލުހުންގެ އެހީ ހޯދުން
ގެވެށި އަނިޔާ ހުއްޓުވުމުގެ ޤާނޫނުގެ ދަށުން ލިބޭ ޙައްޤުތަކާ ގުޅޭގޮތުން މަޢުލޫމާތު ހޯދުން
ލިބިފައިވާ އަނިޔާ އާއި ގުޅޭގޮތުން ޞިއްޙީ ފަރުވާ ހޯދުން
ގެވެށި އަނިޔާ ހުއްޓުވުމުގެ ޤާނޫނުގެ ދަށުން ރައްކާތެރިކަމުގެ އަމުރެއް ހޯދުން
ނަފްސާނީ ގޮތުން އެހީތެރިކަން ހޯދުމަށް ކައުންސެލިންގެ ޙިިދުމަތް ހޯދުން
މައްސަލަ ރިޕޯޓްކޮށް ދަޢުވާކުރުން
މަތީގައިވާ ކަންކަމާ ގުޅިގެން އިތުރު މަޢުލޫމާތު ހޯދާނީ:
މިނިސްޓްރި އޮފް ލޯ އެންޑް ޖެންޑަރ (24 ގަޑިއިރު) 1412 / 3328393
ފެމިލީ ޕްރޮޓެކްޝަން އޮތޯރިޓީ 3010551
ފެމިލީ ލީގަލް ކްލިނިކް 7456570
އެފް.ސީ.ޕީ.ޑީ (ޕޮލިސް) 3331510
އަމިއްލަ ރައްކާތެރިކަމަށް ގެއްލުންލިބޭފަދަ ކުއްލި ޙާލަތަކީ ކޮބާ؟
ޖިސްމާނީ ނުވަތަ ޖިންސީގޮތުން އަނިޔާއެއް ކުރިމަތިވެދާނެ ޙާލަތެއްގައި ހުރުން
ތަނެއްގައި ބަންދުކުރުން
އަމިއްލަ ހުއްދައާއި ނުލައި، ދިރިއުޅޭ ތަނަށް އަނިޔާގެ ޢަމަލު ހިންގާމީހާ ވަނުން
ބިރުދެއްކުން ނުވަތަ ގޯނާކުރުން ނުވަތަ ފާރަލުން
ގަދަކަމުން ނުވަތަ ބިރުދައްކައިގެން ނުވަތަ ބާރުގެ ބޭނުންކޮށްގެން އަމިއްލަ އިޚްތިޔާރުގައި ނުކުރާނެކަމެއް ކުރުވަން އުޅުން
ދަރިފުޅު ހުރީ އަމިއްލަ ބެލުމުގެ ދަށުގައިނަމަ، ގަދަކަމުން ނުވަތަ ބާރުގެ ބޭނުންކޮށްގެން ތިމާއާއި ދަރިފުޅު ވަކިކުރުން
މުދަލަށް ގެއްލުންދިނުން
މަތީގައިވާ ފަދަ ކުއްލި ޙާލަތެއް ކުރިމަތިވެއްޖެނަމަ އެހީ ހޯދާނީ:
މިނިސްޓްރި އޮފް ލޯ އެންޑް ޖެންޑަރ (24 ގަޑިއިރު) 1412
އެފް.ސީ.ޕީ.ޑީ (ޕޮލިސް) 119 / 3000600
ގެވެށި އަނިޔާ ހުއްޓުވުމުގެ ޤާނޫނުގެ ދަށުން ލިބޭ ޙައްޤުތަކަކީ ކޮބާ؟
ރައްކާތެރިކަމުގެ އަމުރަކަށް އެދުން
ޙަޟާނާތުގެ އަމުރަކަށް އެދުން
ދިރިއުޅޭނެ ގެއަކާއި ގުޅޭ އަމުރަކަށް އެދުން
ފައިސާގެ ބަދަލު ނަގައިދިނުމުގެ އަމުރަކަށް އެދުން
ޖިނާޢީ ކުށެއްގެ ދަޢުވާ އުފުލޭނެ ޙާލަތެއްގައި ޖިނާޢީ ދަޢުވާ އުފުލުން
މަތީގައިވާ ޙައްޤުތަކާއި ބެހޭގޮތުން މަޢުލޫމާތު ހޯދާނީ:
މިނިސްޓްރި އޮފް ލޯ އެންޑް ޖެންޑަރ (24 ގަޑިއިރު) 1412 / 3328393
ފެމިލީ ޕްރޮޓެކްޝަން އޮތޯރިޓީ 3010551
ފެމިލީ ލީގަލް ކްލިކް 7456570
ގެވެށި އަނިޔާގެ މައްސަލައެއް ކުރިމަތިވުމުން މައްސަލައިގެ ބާވަތަށް ބަލައި އެދޭނީ ކޮންކަހަލަ އަމުރަކަށް؟
ކުއްލި ޙާލަތެއްގައިނަމަ އެދޭނީ އަވަސް އަމުރަކަށް
އެނޫން ޙާލަތްތަކުގައި ރައްކާތެރިކުރުމުގެ އަމުރަކަށް
އަމުރަކަށް އެދޭ ހިނދު، އަމިއްލަ މީހާ ނުވަތަ ދަރިއެއް ރައްކާތެރިކުރުމަށްޓަކައި، އެ އަމުރު ނިސްބަތްވާ މީހާގެ މައްޗަށް ޙާއްސަ ޝަރުޠުތަށް ލާޒިމްކުރުމަށްއެދި ރައްކާތެރިކުރުމުގެ އަމުރަކަށް
މީގެ ތެރޭގައި ހިމެނޭނީ ދިރިއުޅޭނެ ގެއަކާއި ގުޅިގެން ކުރާ ކޯޓު އަމުރު، ޙަޟާނާތުގެ އަމުރު އަދި / ނުވަތަ ފައިސާގެ ބަދަލު ނަގައިދިނުމަށް ކުރާ ކޯޓު އަމުރު
އަވަސް އަމުރަކަށް އެދެންވީ ކީއްވެ؟
ކޯޓުން މައްސަލަ ނިމުމުގެ ކުރިން ތިމާއަށް އެ ޙާލަތުގައި ނުރައްކަލެއް ދިމާވެދާނެ ކަމަށް ފެނުން
ތިމާއަށް އިންސާފު ނުލިބިދާނެފަދަ ޙާލަތެއް ކަމަށް ފެނުން
ތިމާއަށް އޮތް ނުރައްކާ އިތުރުވެގެން ހިނގައިދާނެ ކަމަށް ފެނުން
ތިމާއަކީ ދަތި އުނދަގޫ ޙާލަތެއްގައިވާ މީހެއްކަމުގައިވުން
ރައްކާތެރިކުރުމުގެ އަމުރަކަށް އެދެންވީ ކީއްވެ؟
ގެވެށި އަނިޔާގެ ޢަމަލު ތަކުރާރުވެދިޔަ ނުދިނުމައްޓަކައި ގެވެށި އަނިޔާގެ ޢަމަލު އަމާޒުވާ މީހާ ރައްކާތެރިކުރުމަށްޓަކައި
ގެވެށި އަނިޔާގެ ޢަމަލު ހިންގަނީ އެހެން މީހަކު މެދުވެރިކޮށްގެން ކަމަށްވާނަމަ، އެ ތިންވަނަ ފަރާތުގެ ކިބައިން ވެސް ރައްކާތެރިވުމަށްޓަކައި
މަތީގައިވާ އަމުރުތަކާއިބެހޭ ގޮތުން މަޢުލޫމާތު ހޯދާނީ:
ފެމިލީ ކޯޓު 3325502
މިނިސްޓްރީ އޮފް ލޯ އެންޑް ޖެންޑަރ (24 ގަޑިއިރު) 1412/ 3328393
ފެމިލީ ޕްރޮޓެކްޝަން އޮތޯރިޓީ 3010551
ފެމިލީ ލީގަލް ކްލިނިކް 7456570
ރައްކާތެރިކުރުމުގެ އަމުރަކާއި ޚިލާފުވެއްޖެނަމަ ހަދާނީ ކިހިނެއް؟
ފުލުހުންނަށް ރިޕޯޓްކޮށް، ރައްކާތެރިކުރުމުގެ އަމުރުގެ ކޮޕީއެއް ހުށައެޅުން
ރައްކާތެރިކުރުމުގެ އަމުރަކާއި ޚިލާފުވެއްޖެނަމަ ގުޅާނީ:
އެ.ފް.ސީ.ޕީ.ޑީ (ޕޮލިސް) 119/ 3000600
ޞިއްޙީ ފަރުވާ ހޯދުމަށް އެދެވިގެންވަނީ ކޮން ޙާލަތްތަކެއްގައި؟
ޑޮކްޓަރުގެ ލަފަޔާ ޙިލާފަށް، އަނބިމީހާގެ ޞިއްޙަތަށް ބެލުމެއްނެތި، އަނބިމީހާ މާބަނޑުކުރުން ނުވަތަ ކުރަން އުޅުން
ޖިސްމާނީ އަނިޔާ ލިބުން
އަނިޔާވެރި ކައިވެންޏަކުން ދުރުވާން މަސައްކަތްކުރާ އަންހެނާގެ ނުރުހުމުގައި އޭނާ މާބަނޑުކުރުވުން ނުވަތަ ކުރަން އުޅުން
ޖިންސީ ގޮތުން އަނިޔާ ލިބުން
ޞިއްޙީ ފަރުވާ ހޯދާނީ:
ހޮސްޕިޓަލްތަކާއި ޞިއްޙީ މަރުކަޒުތަކުން
ފެމިލީ ޕްރޮޓެކްޝަން ޔުނިޓް (އައި.ޖީ.އެމް.އެޗް.) 3335147
ނަފްސާނީ ގޮތުން ލިބޭނެ އެހީތަކަކީ ކޮބާ؟
ކައުންސެލިންގ
ނަފްސާނީ ގޮތުން ޙާލަތާ ކުރިމަތިލާނެ މަގު ދައްކައިދިނުން
ގެވެށި އަނިޔާގެ ސަބަބުން ދަރިންނަށް ކޮށްފާނެ ނުވަތަ ކުރަމުންދާނެ އަސަރުތައް ދެނެގަނެ އެއާމެދު ޢަމަލުކުރާނެ ގޮތުގެ މަގު ދައްކައިދިނުން
މައްސަލަ ޙައްލުކުރުމަށް މަގު ދައްކައިދިނުން
ނަފްސާނީ ގޮތުން އެހީތެރިކަން ހޯދާނީ:
މިނިސްޓްރީ އޮފް ލޯ އެންޑް ޖެންޑަރ (24 ގަޑިއިރު) 1412/ 3328393
ފެމިލީ ޕްރޮޓެކްޝަން އޮތޯރިޓީ 3010551
ޝީ 3318804
ވިކްޓިމް ސަޕޯޓް ޔުނިޓް، އެފް.ސީ.ޕީ.ޑީ (ޕޮލިސް) 9770646
ގެވެށި އަނިޔާގެ މައްސަލައެއް ތަހުޤީޤުކޮށް ޖިނާޢީގޮތުން ދަޢުވާ ކުރާނީ ކޮން ޙާލަތެއްގައި؟
ގެވެށި އަނިޔާގެ ޢަމަލެއްނަމަވެސް، އެހެން ޤާނޫނަކުން، އެ ޢަމަލަކީ ޖިނާއީ ކުށެއް ކަމުގައި ބަޔާންވެފައިވުން
ރައްކާތެރިކަމުގެ އަމުރަކާ ޚިލާފުވުން
މައްސަލަ ތަހުޤީޤުކުރުމަށް އެދި ހުށައަޅާނީ:
އެފް.ސީ.ޕީ.ޑީ. ނުވަތަ ޕޮލިސް 119 / 3000600
ގެވެށި އަނިޔާގެ ޢަމަލެއް ރިޕޯޓުކުރެވޭނީ ކޮންބަޔަކަށް؟
އަނިޔާ ލިބޭ މީހާ
ޢަމަލު ހިނގާތަން ފެންނަ މީހާ
އަނިޔާ ލިބޭ މީހާގެ ޢާއިލާ މީހެއް
އަނިޔާ ލިބޭ މީހާގެ ރަޙްމަތްތެރިއެއް
އަނިޔާ ލިބުނީ ކުޑަކުއްޖަކަށްނަމަ، އެ ކުއްޖެއްގެ މަންމަ، ބައްޕަ، ބެލެނިވެރިޔާ، ނުވަތަ ތިމާގެ މީހެއް
ގެވެށި އަނިޔާގެ ޢަމަލެއް ހިނގާކަމުގެ މަޢުލޫމާތު ލިބިފައިވާ ކޮންމެ މީހެއް
މަތީގައިވާ ކަންކަމާއި ގުޅިގެން އިތުރު މަޢުލޫމާތު ހޯދާނީ:
މިނިސްޓްރީ އޮފް ލޯ އެންޑް ޖެންޑަރ (24 ގަޑިއިރި) 1412/ 3328392
ފެމިލީ ޕްރޮޓެކްޝަން އޮތޯރިޓީ 3010551
އެފް.ސީ.ޕީ.ޑީ. (ޕޮލިސް) 119/ 3000600
→
←